وقد انجلى عن مكة وهو ابنها

ميصير يطلع 
والخلق باكر يوقفون

يبني مصيبه كان يطلع حاج هاليوم
والبيت بيت الله وأمانه دايم ايدوم

يبني لا تستعجل وعطني الخبر تأكيد
واتقربوا منه وصفق  إيد ابأيد

يا بوي هالطالع مهو واحد ولا اثنين
وإن صدق ظني هالضعن ضعن الولي حسين

ابعيني اشوف ايدور حول النوق عباس
وعينه على هودج لتنظر ظله الناس

وياهي مصيبه يوم وصل للضعينه
ضمه الى صدره وحبه في جبينه

يا بو علي هاليوم كلمن ينوي لحرام
وشصار قلي قال حجي صار جدام 

و الناس مقصدهم ابحج حسين يحجون 

الا وهو خايف يسفكوا منه ادموم
و اهناك ابو السجاد ظلٍ به يلوذون

واعرف نياشين الضعن وأي مقصد ايريد
قله قلت لك عن ارض مكة يطلعون

هذي ضعينه كامله وعندهم نساوين
ووسطة هوادجهم بيارقهم يرفون

رافع لوا بيده و لناقة شايل الراس
و أشبال هاشم حول ضعن حسين ايدورون

حول من الناقة لبو سكنة ابحنينه
فتيت قلبي ايناشده يا نور لعيون

واشوف عفت الحج يبو السجاد هالعام
حجي بوادي كربله مثله فلا يكون