بكائي طويل والدموع غزيرة

يا نور عيني يا خليصي اشلون أرى ابيوتك
واشلون ايمر يوم عليه ومسمع الصوتك
عود ينور العين    خل تزهر ابيوتك

عن ناظري ترحل يخويه وتنضجع بتراب
وأرجع واعاين للمضيف امغلّق الأبواب
عود ينور العين    خل تزهر ابيوتك

زينب يخويه لو لفتني ووقفت اقبالي
اتنادي صدق انظر الى بيت الحسن خالي
عود ينور العين    خل تزهر ابيوتك

وأنظر القاسم يا حبيبي يعتفر يمي
ايقلي متى يرجع ابونه البيت يا عمي
عود ينور العين    خل تزهر ابيوتك

صفق اكفوفه وظل يحوم ويجذب الحسره
ويصرخ ترى راح الحسن من ايدي يا زهرى
عود ينور العين    خل تزهر ابيوتك