هذي رجالي في رضاك ذبائح

شابح ابعينهللسما شبل الزكيه

لرضاك يا ربي امقدم كل غالي
ما بين منحور وطعين أول وتالي

ولرضاك لكبر نور عيني ذابحينه
وجبته الى امه وشبح ليها ابعينه

ولرضاك جاسم واخوته راحو من ايدي
جبته ومديته ابصف لكبر اوليدي

ولرضاك يا ربي مصاب ايشيب الراس
حين اوقفت ابكي على اجنازة العباس

وابعينك الطفل الرضيع الماشرب ماي
ثاري السهم طوق ابنحره وزاد بلواي

ولرضاك هذا الحجر صوبني ابجبيني
وابسهم لمثلث وسط قلبي رموني

لرضاك خل اتسيل يا ربي ادمومي
ويصعد على صدري الشمر ويحز كريمي

جاه الندا اطلب رضاك اليوم يحسين
اطلب يربي تغفر اذنوب المحبين

دوبه يناجي وونته ونه خفيه

حولي ضحايا امذبحه جملة ارجالي
يشبه وفاهم ما جرى ابكل البريه

شلته على صدري وذوبني ابونينه
من شافته ايون ما بقت بيها بقيه

عقب الزفاف وذبحته صورة عضيدي
ابكي وسطهم وانحلوني ابهالرزيه

ومنه انكسر ظهري وعليه اشمتت لرجاس
قطعوا اكفوفه ويمه الرايه رميه

شفته يرفرف فوق صدري وفتت احشاي
كله لقطرة ماي ذبحوه آل أميه

وارفعت ثوبي كان امسح دم اعيوني
وابعينك افحص يا إللهيبالوطيه

واتظل غريبه ابطيحتي جملة حريمي
وصدري يربي اتجول فوق الاعوجيه

و نادى يربي ونزف دمه ابدمعة العين
انا السفينهالواسعه في هالبريه