قومي معي إلى العيال

يشهد الله من ظهر للحين راحه ماشفت
حقي اتمنى قبل ما اتصير هالمحنه متت

اتقلها من حرقوا لمخيم ما بقى عندي اشعور
ولو اوصل للشريعه واشكي عد عمي الغيور

وينه راسه يلوديعه وين مرميه لكفوف
لو على اهواي اقدر احمله الى اخواتي تشوف

قومي نرجع للمخيم مدري وشصاب العليل
اتقلها خليني يعمه وياالبطل باقي الليل

نحبت وصاحت درحمي عمتك يا فاطمه
للحرم ردي وعلى راحه انصبي له ماتمه

واركضت بين لتلول اجمع ايتام اتشتتت
عقب خدري قمت اهرول بالفضا يا مهجتي

همت يا عمه اعلى وجهي چان اموت ابهالبرور
وصلت عنده واتمنى الموت افنى مدتي

قالت انقطعت ييمه من ابو فرجه العطوف
بلكت انعالج اجروحه چان ايعاين ضيعتي

حسين كلفني وخله ابرقبتي الحمل الثقيل
قلب مالي أرد عنه للخيم يا عمتي

ما بقى غيري ييمه ايصير للعيله حمى
ماشفت راحة القعده عاد رحمي غربتي