عندما تسهر الرباب عند مهد الرضيع

يعبد الله الطفل وحياة نحرك ما انام الليل

وين النوم وهالوحشه عليه نزلت ابدراي
يبني حسرتي ابقلبي وما ظن تنطفي ناري

يبني لو شفت نومه ابلحظه وتنتبه عيني
ومن أذكر ذبحتك عندها اتمنى يدفنوني

يبني اشلون انا انساك وانسى حرقة افادي
رداك الخيم مذبوح يبكي مهجةالهادي

اسمع هالخبر عنك ومن ذكره يهد اقواي
تلقي حسين من دمك وظنيته يروحي الماي

تظن الماي في كفه متدري ممتلي ابدمك
وأبد ما غاب عن قلبي صورة نحرك وسهمك

اشحالي يا رضيعي وصار نيشان السهم كبدي
وراح حسين من ايدي وراح الخلف من عندي

امأمله تبلغ اسنينك واسمع حكوتك يبني
وتالي تنذبح عطشان بيك الدهر صوبني

و اشوف المهد قدامي وعلى ذكرك ادموعي تسيل

وين النوم وامهادك اشوفه خالي اجواري
حتى الموت ياخذني ولا أبقى  وقلبي اعليل

على العادة الى طفلي أميل وأمد ايديني
يبني الفاقدة لازم ببكاها يطول الليل

وانسى كربله هاللي سلبت واحد اولادي
ودريت ابمحنتي من حين اسمع في الخيم لعويل

من حين السهم صابك وسط نحرك يلب احشاي
قمت اتلولح ارقبتك والكفه يبويه اتميل

ولجمره الظلت ابقلبي جابوك ابحضن امك
ويكفيني الخبر يبني اسمعه وانتحب بالويل

الى خاطر اهز مهدك رد المهد يا ولدي
و امالي  انقضت كلها ونوحي ما يطفي اغليل

وتمشي اقبالي واناديك يوليدي وتجاوبني
معذوره يبعد الروح لو اسهر ابطول الليل