حول بيت الله أطوف او دمعتي ابخدي جريّه
لابسه احرامي او أدعي الوالدي آنه رقيّه
######
من أطوف ابشوط أدعي ربي لا تحرمني منّه
او دوم ويّا الغالي أبگى او ما أريد أبتعد عنّه
ترى من بعده حياتي يا إلهي اتصير محنه
لابسه احرامي او أدعي الوالدي آنه رقيّه
######
و قسم ابّيتك الطّاهر او رافعه باسمه إيديني
من أسافر ويّا بويه كربله لا يفجعوني
و فگده مذبوح ظامي و تركه تبچي عيوني
لابسه احرامي او أدعي الوالدي آنه رقيّه
######
بالحجر لسعد او زمزم و الصّفا والمروه أقرا
الله لا إيگوله أبويه ابكربله إيحزّون نحره
سالم او لا لعوجيه اتكسّر الأضلاع صدره
لابسه احرامي او أدعي الوالدي آنه رقيّه
######
إن شا الله ما ياخذوني امسلّبه من بعد عينه
و دخل المجلس هديّه و نظر الراسه ولينه
شيبته بالدّم خضيبه او بالحجر صكّوا جبينه
لابسه احرامي او أدعي الوالدي آنه رقيّه
######
او گبل ما احرامي أحلّه بين حزني او بين نوحي
والدي الله يديمه او تبره يا ربّي جروحي
او فوگ راسه بالخرابه آه منّي اتروح روحي
لابسه احرامي او أدعي الوالدي آنه رقيّه
@@@@@
أبو فراس الحمراني
... نسألكم الدعاء ...