وا ويلي و ويلاه وا ويلي و ويلاه
يا زينب يا زينب يا زينب
بعد عيني و المناسك كلها يختي امأجّله
و الوقوف إيصير باچر في أراضي كربله
و انتي اتنظرين ليّه و الحرم و العايله
يوم تاسع الوقوف إيصير عاشر الظهر
وا ويلي و ويلاه وا ويلي و ويلاه
يا زينب يا زينب يا زينب
و وّل أوگوفي يزينب على لكبر منجدل
أحمله يختي اعلى صدري و آنه دمعاتي تهل
و جيش للخيمه يزينب گومي له لكبر وصل
او توگفين انتين بعدي عالشباب المعتفر
وا ويلي و ويلاه وا ويلي و ويلاه
يا زينب يا زينب يا زينب
او چم شباب اللي عليه أوگف و نادي ابمحنتي
مثل جاسم من ندبني عمّي عاين حالتي
و وصله مفطور گلبي على عرسه خيّتي
او رمله تندب بالمخيّم بعده ما ريد العمر
وا ويلي و ويلاه وا ويلي و ويلاه
يا زينب يا زينب يا زينب
بت علي و وگف على الأنصار كلها اعلى الثرى
من حبيب او من برير اجسوم كلها اموذره
يختي او هذا الوگوف ابهالورى لا ما جرى
او وگفتي في كربله تبگى يزينب للحشر
وا ويلي و ويلاه وا ويلي و ويلاه
يا زينب يا زينب يا زينب
و عظم أوگوفي يخيّه لين رحت المشرعه
على عباس او عضيدي او جيت سهمه أنزعه
و نظر الراسه لمهشّم و إلى اچفوفه امگطعه
او وگفتي مكسور ظهري من أودّع الگمر
وا ويلي و ويلاه وا ويلي و ويلاه
يا زينب يا زينب يا زينب
او وگفتي محتار ما بين الأعادي و الخيم
من يجيني الحجر يا زينب و يفت گلبي السهم
او من يحاچيني الشمر و الله لجرعك الألم
او ينتهي منسك وگوفي لين حز منّي النحر
وا ويلي و ويلاه وا ويلي و ويلاه
يا زينب يا زينب يا زينب
@@@@@@
أبو فراس الحمراني
... نسألكم الدعاء ...