علي إمامي او فازت شيعته
و الله اللي أوجب علينا اولايته
######
يسكت العالم ابأسره او يحچي بس يوم الغدير
لين الهادي محمد نصّب الكرّار أمير
او گال انته مثل روحي او ليّه ياحيدر وزير
او دين الله انته عماده و انته ليه نعم النصير
دنيا او آخره*
و مد يميني و صافح يمنته
علي إمامي او فازت شيعته
######
هذا عيد الله الأكبر يوم تنصيب الولي
يوم طه گال حيدر
بيك همّي ينجلي
او گال لا سيف إلا ذو الفقّار دايم تعتلي
او صرخه للمحشر تظل او لا فتى إلا علي
او فاز اللي أمه ابحبه غذته
علي إمامي او فازت شيعته
######
لا غرام إلا إلى وادي الغري ويشما حصل
او لا صلاة لله بلا حبّك يحيدر تنقبل
و الذي دشّيت گلبه ما يدش گلبه الوجل
ابكل أذان انته نعم حيّ على العمل
يا ربي و ارزگني دوم ازيارته
علي إمامي او فازت شيعته
######
كل شي زين انته ملكته و المعاني بين إيديك
او كلها ألقابك فريده او تفتخر بس من تجيك
الله بس ويّا محمّد يعرف السر اللي بيك
و السّما ويّا الأرض يالمرتضى اتسلّم عليك
او كل اللي أرجاه فقط شفاعته
علي إمامي او فازت شيعته
@@@@@@
أبو فراس الحمراني
... نسألكم الدعاء ...