أبوذيات في أمير المؤمنين ع
ابحروفك يا علي گلبي وصَمته
بعد عين النبي انته وصي امته
او لو صلّيت عمري هم و صُمته
فلا ينفع سوى حبّك إليّه
&&&&&&
علي ياللي العلي بالنّاس عَزّه
او عزيز اللي يكون ابظل عِزّه
علي كسّر خشوم اللات او عُزّه
علي مرّغ أنوف الجاهليّه
&&&&&&
محاله أعشگ الغيرك مُحاله
او حبّك ذنبي يا حيدر مَحاله
يمن راس الكفر سيفه مَحالَه
ابحروفك كل دما ابگلبي جريّه
&&&&&&
فؤادي عن عشگ شخصاك مَيجُوز
او عشگ ثاني أعشگه ليّه مَيجُوز
او عدولي إيگول هذا العشگ مَيجُوز
من الله هالعشگ ما هو بديّه
&&&&&&
أحاديث النبي نحچي و عَدنَه
إذا انحب الوصي الجنه وعدْنَه
او كتبنا شيعته الله و عَدْنَه
ترى الجنّه فقط للحيدريّه
&&&&&&
او غزوات النبي منهو فتاها
او مراريهم بعد منهو فتاّها
او فتوات المشاكل من فتاها
او من سيفه نصر الله او نبيّه
&&&&&&
بنيت ابگلبي لك يا علي مَنزل
او چم فيك العلي قرآن مُنزِل
او عن دربك أبد و الله مَنزِل
قسيم النار و الجنّه سويّه
&&&&&&
او ربنا يقبل ابحبّك وُرِدنا
و ردنا اتجينا بالمحشر و رِدنا
او محلا ابكوثرك ليمن ورَدنا
او حياة ابلا علي ما هي هنيّه
&&&&&&
على حبّك على الدنيا وعينه
يسيف الله علي انته وعينه
أغذّي ابني على عشگك و عِينه
و گلّه لك علي الشمس المضيّه
&&&&&&
لليلة عيدك او حيها و مرحَب
مثل حبّك على گلبي م مرحُب
يمن جدّل إلى الحارث و مرحَب
بضرباته الفقار الحيدريّه
&&&&&&
لسامي يا علي كلها ورسمك
أنا احفر عالصدر اسمك ورسمك
وره اسمك عالعرش حيدر ورسمك
او تكرّر لاسمك السبع العليّه
&&&&&&
شتاي انته يبو الحسنين و صيف
و لا احصلنا إلك مولاي وصِّيف
شهد لك كل عدو بالعلم و السيّف
على كل شي علي چفّك نديّه
&&&&&&
من ربّ العلى اسمك و سِر بيه
تاجي ألبسه و فخر و سِر بيه
يشرح للصدر حيدر و سِر بيه
او بگلبي اولايتك أجمل هديّه
&&&&&&
يمحلا يا علي امن أرفع أذاني
و بد ما حبّه اللي يبغض لك و ذاني
يمحلا يا علي تسمع أذاني
او نذرته عمري لك حامي الحميّه
&&&&&&
ذكرك يا علي المبغض يعلَّه
او يَعلّه يحترگ باچر يَعلّه
و إذا اسمك محب صوبه يعلّه
لچنّه صابته النار اللظيّه
&&&&&&
بلا طرح او جمع حيدر و قِسمه
علي أجمل نصيبن لي و قِسمه
بنصّين الگلب حبّه و قِسمه
يربّي بالحشر يحضر إليّه
&&&&&&
او كل أم تعشگك خلطت لبنها
بحبّك يا علي او رضعت لبنها
او گالت كل خليّه بيه لبنها
ابغِذاء أولايتك فرضن عليّه
&&&&&&
دِسجّل اسمي يا حيدر و ضِيفه
او خادم ليك أبغيها وضِيفه
و ضَيفه عاشگك حيدر و ضَيفه
بيوم المحشر ابشربه روّيه
&&&&&&
أحط اسمك على عيني و قَبلَه
يمن ما صار من بعده و قَبله
علي انته الذي للشيعه قِبله
يحيدر يا فخر للرافضيّه
@@@@@@
أبو فراس الحمراني
... نسألكم الدعاء ...