محرم 1447
گوم يا حيدر او عاين حاله
*احسين مرمي بكربله او داسته الخياله
تنتظر زينب إله و عياله
احسين مرمي بكربله او داسته الخياله
######
يا علي انهض او عاين هالمصايب والبله
اتزلزلت بس ما وگع لحسين كلها كربله
گوم شوف النايبه يبو الحسن و المعضله
صوب اگليب الحسين ابسهمه ويلي حرمله
فاجع الأملاك كلها ابحاله
احسين مرمي بكربله او داسته الخياله
او بالرماح اتصوبه الرجاله
احسين مرمي بكربله او داسته الخياله
######
بالشمس خلاه خده اعلى الترايب حسرتي
و يصيح وينك يا علي تنظر يبويه حالتي
ويشكثر لجراح من ضرب الرماح ابجثتي
قسم ابجدي النبي عطشان تسعر چبدتي
والشمر بالسيف وسفه جا له
احسين مرمي بكربله او داسته الخياله
او وگفت زينب تصيح اگباله
احسين مرمي بكربله او داسته الخياله
######
العذر منك يحيدر و الدمع غصبن يخر
گوم لارض الغاضريه بالله ما عدنا صبر
ويا زينب الوديعه گوم و ادفع الشمر
حتى لا إيدوس الصدر لحسين و يحز النحر
او على زينب ملتهب دلاله احسين مرمي بكربله او داسته الخياله
تنظر ادموم النحر سياله
احسين مرمي بكربله او داسته الخياله
######
عزل راسه امن القفا او فجر من النحر الدما
و العرش ينحب إله او تبچي له أملاك السما
او زينب الحوره تنادي ويلي آه متألمه
گوم خبر النبي عن الحسين او فاطمه
والجسد مدمي او ما حد شاله
احسين مرمي بكربله او داسته الخياله
للحشر دمعه إليه هماله
احسين مرمي بكربله او داسته الخياله
@@@@@
أبو فراس الحمراني
... نسألكم الدعاء ...