صفر 1447
وصّيتهم يا بويه او ما حد سمع لِوصيّه
من بعد عينك جوني او هجموا بداري اعليّه
فوگ الگبر تشكي له او تضرب بديها گبره
متگوم يمدلّلني اتشوف ابعيوني العبره
او تمسح على دلّالي او تطفي يبويه الجمره
لا اتنام عنّي اتوعّه او عاين جروح ال بيّه
يا سور بيتي العالي او حصن الذي ضمّاني
بويه ابهجوم الظالم داري ترى آذاني
و بسوطه فوگ إيديني متلوعه خلّاني
او صارت عيوني ويلي من لطمته مدميّه
بالله بلحدك خذني ما ريد بعدك عمري
ودّي تشوف ال جرحي و الدم يجري ابصدري
المسمار جرحه يوجع و الوسط زرّگ ظهري
او محسن سگط بعتابي او روحي عليه مدمّيه
يا ليت روحي راحت و گليبي لا يتعذّب
او ياليت عيني انعميت و اعلى علي ما نحب
وا شوفه إيجرّونه بعمامته و ملبّب
او حيدر علي بس صابر او ينظر مصاب ال بيّه
@@@@@@
أبو فراس الحمراني
... نسألكم الدعاء ...