صفر 1447
ويلي على الهادي ،، متفطّر أفّادي
دار الوحي من بعدك لبست سواد الليله
تسألني وينه الغالي يا والدي مذهوله
امصلّى صلاته خالي ويش السبب ميجي له
و دموع من محرابه يا فاطمه مهموله
ويلي على الهادي ،، متفطّر أفّادي
و عبايته أنظرها او تنظرني و تحاچيني
ريحة نبينا طه في وينه م اتخبريني
طوّل غيابه عنّي يمتى أبوچ إيجيني
لين الولي مو راجع يا فاطمه شيليني
ويلي على الهادي ،، متفطّر أفّادي
و عمامته وا ويلي لجل الأبو مجروحه
تنحب عليه و سمعها في جيتي و الروحه
و عيونها لعيوني اعمامته مشبوحه
او چنها تگلَّي صبري و دموعها مسفوحه
ويلي على الهادي ،، متفطّر أفّادي
كل ذكرياتك عندي وسط الصدر محفوره
ويش حال للي يفگد عطف النبي او نوره
مهضومتن يا بويه بعدك أنا او مكسوره
او عم الظلام امبّعدك يا بويه هالمعموره
ويلي على الهادي ،، متفطّر أفّادي
@@@@@
أبو فراس الحمراني
... نسألكم الدعاء ...