السلام على السيدة مريم

صفر 1447

السلام على السيدة مريم 

 جابتك مريم يعيسى و سجدت لله ابشكر 
 *او فاطمه جابت المحسن بعد ما الضلع انكسر* 
######
يالمسيح أمك بلمها نادت الرب السما
من ورا النخله او تنادي همّي انته التعلمه
او يوم هزّتها الرطب ليها تساگط مكرمه
و نظرت وجهك يعيسى او راح عنها كل كدر
 *او فاطمه جابت المحسن بعد ما الضلع انكسر* 
######
او فاطمه الزهرا ابوجعها هزّت الباب ابدمع
و التساگط فوگ إيديها ترى سوط او صفع 
شافت ابوگت الولاده كل ألم ويّا الوجع
وعصروها او طاحت الزهرا او محسن يعتفر
 *او فاطمه جابت المحسن بعد ما الضلع انكسر* 
######
لفّتك أمّك يعيسى بالگماط او تبتسم 
ونته تتكلّم معاها نسيت الكل الألم
لا هو صدرك لا صدرها صار متلوّن ابدم
او بيك خاطرها يعيسى من إجيت الها انجبر
 *او فاطمه جابت المحسن بعد ما الضلع انكسر* 
######
او لفّت المحسن وجيعه فاطمه ابدم او تراب
او بلّلت من دم صدرها اگماطه و بدمع المصاب 
كلّمته لحظه وحده او موته صار الها الجواب
فاطمه جابت المحسن او وارته وسط الگبر 
 *او فاطمه جابت المحسن بعد ما الضلع انكسر* 
@@@@@@
أبو فراس الحمراني