صفر 1447
يا شايلين الهادي ،، يا شايلين الهادي
گبل النبي شيلوني يا شايلين الهادي
######
ظلّي او سوري السّامي مگدر على فرگاته
يظلم عليّه بيتي و نحرم من جيّاته
محلاه ليه ناداني و يسرني ابنظراته
هملت دموع اعيوني يا شايلين الهادي
######
شمس او ضوه للدنيا طه النبي بنواره
من تدفنون الغالي أبگى أنا محتاره
داره خليه منّه او مگدر أصد ال داره
اتمنّيت أنا اتشيعوني يا شايلين الهادي
######
اتحطّون خد الطّاهر فوگ الثرى وا حزني
ليته لحضنه الدافي طه النبي ياخذني
جارح دليلي بعده او موته تراهو هدني
ويّا الأبو دفنوني يا شايلين الهادي
######
من تدفنون الهادي أرجع أنا ابحسراتي
وا شوف بعد الوالي گدّامي بس دمعاتي
خبّرني باللي يجري من بعده و مصيباتي
بعده ترى إيهضموني يا شايلين الهادي
@@@@@
أبو فراس الحمراني
... نسألكم الدعاء ...