صفر 1447
علي يهمل دمعته
وا ويلي على النبي وا ويلي
بيده يمسح جبهته
وا ويلي على النبي وا ويلي
راس أبو الزهرا فديته في حضن أبو الحسن
يوم گال اوداعة الله صار بالحسره يوّن
لا تخليني يطه بين آلام او محن
من بعد عينك يبو إبراهيم مگسى هالزمن
علي زادت ونّته
وا ويلي على النبي وا ويلي
علي يلطم جبهته
وا ويلي على النبي وا ويلي
غمّض اعيونه أبو القاسم او نادى حيدره
عيني بعد اعيونك الآهات ليها ناظره
على بنتك فاطمه يا سيدي دمعي جرى
من تطيح ابشدّه تنخاني و بوها تذكره
علي ذب اعمامته
وا ويلي على النبي وا ويلي
فاطمه من گصدته
وا ويلي على النبي وا ويلي
غطّى وجه المصطفى حيدر او حزنه ما له حد
او مثل گلبه منجرح بالكون لا ما ينوجد
رافع إيدينه إلى الله للصبر ربي مدد
او گال يا گلبي استعد حگ المصايب و الشدد
او على الزهرا نظرته
وا ويلي على النبي وا ويلي
بعد طه ابذمته
وا ويلي على النبي وا ويلي
گال گومي يت وديعه و اربطي اگناع الصبر
من بعد عين الأبو لعيون منّچ تنسطر
من بعد عين الأبو لضلاع منّچ تنكسر
من بعد عين الأبو مسمار ينبت بالصدر
من بعد عين الأبو لجنين منّچ يعتفر
روحي قبلي جبهته
وا ويلي على النبي وا ويلي
أو أيسّي من جيته
وا ويلي على النبي وا ويلي
@@@@@
أبو فراس الحمراني
... نسألكم الدعاء ...