صفر 1447
الزهره تبچي للنبي و دموعها هماله
يا شايلين اجنازته بالهون يا شياله
######
بعد أبو ابرإهيم ظلمه عيشتي
او ما أظن من عيني تنشف دمعتي
طعم ماليها تراها دنيتي
ليتني من گبل موته موتتي
عن گلبي بوصف النبي بعده بعد ويشحاله
يا شايلين اجنازته بالهون يا شياله
######
فاگده نور الأرض ويا السما
او من خلف شياله روحي هايمه
من أجل فگد الأبو متألمه
اشلون تبگى بعد طه فاطمه
او بالمدينة فاجعه لجل النبي او زلزاله
يا شايلين اجنازته بالهون يا شياله
######
راح عزي او نور بيتي و الأمل
ليتني من گبله والتي الأجل
سوريا العالي من الدنيا رحل
و الدمع لفرگته ابخدي همل
من بعد عينه يتيمه او تبچي ليه اعياله
يا شايلين اجنازته بالهون يا شياله
######
ساعة افراگه تراها فاجعه
و الله مشتاگه بصوته أسمعه
من أصيح اليوم ليه امودعه
چني باچر بعد عينه امروعه
ليت موته لا دنا و الله بعد لا گاله
يا شايلين اجنازته بالهون يا شياله
@@@@@
أبو فراس الحمراني
... نسألكم الدعاء ...