آه يحسين و مصابه آه يحسين آه يحسين

صفر 1447

آه يحسين و مصابه آه يحسين آه يحسين

يولادي بسايلكم انتو منهو او من وين
بس تبچون بالأحزان او دمعكم يجري امن العين
و تندبون و تنادون خليتو الگلب نصين
تسمعوني او تنظروني او تصفگوا ويلي اعلى احسين

آه يحسين و
مصابه آه يحسين آه يحسين

ردّوا گالوا احنا ابيوم ذبح احسين مشّونا
و احنا خالنا لحسين او بعده ابصحرا يسرونا
من العدوان اهربنا لأنهم والله آذونا
احنا اولاد مسلم آه او صوبنا الدهر بحسين

آه يحسين و مصابه آه يحسين آه يحسين

صاحت خجلتي ويشگد مع مسلم او مع الكرار
ونا اشبيديني يولادي عليكم بالجرى و الصار
على الوالي او عليكم ظل دمعي ابوجنتي مدرار
متحمّل يسايلني عنكم بالحشر لحسين
آه يحسين و مصابه آه يحسين آه يحسين

زادوا بالبچي الطفلين او گلبهم ذاب و تعذّب
كل واحد يدگ صدره
او هي تنشدهم او تنحب
گالوا نبچي للعمّه تدوّرنا بگت زينب
او تسايل عنّا بالآلام وين أيتامي راس احسين
آه يحسين و مصابه آه يحسين آه يحسين
@@@@@@
أبو فراس الحمراني