( السيدة مريم )

صفر 1447
( السيدة مريم )

مو مثل زينب غريبه  
آه يمريم بالمصيبه 
يوم متّين ما بچيتين  
ما گضيتين ابأرض غربه او تبچين العضيد 
او ما گضوا إخوان عندچ آه من فوگ الصعيد
ما رأيتي بين عدوانه الأخو حاير وحيد
ما رأيتي واحد امنهم محزوز الوريد
او دمعتچ منّچ صبيبه 
و الگلب صار ابنحيبه 
يوم متّين ما بچيتين  
گبل لا اتغمضين عينچ ما استعر بيچ الجمر
او لا تذكّرتي أخو عندّچ يحزّوا له النحر
او لا تخيّلتي ابعوادي امرضّض امنّه الصدر
او عنده ما گلتين يا خويه فلا ريد العمر
و الدما ابنحره صبيبه  
او جثته ابدمه خضيبه 
يوم متّين ما بچيتين
 بآخر الأنفاس ما صحتين و المدمع يهل
بالغرب ميته يخويه ما تجيني بو الفضل
ما ذكرتين النهر و وداع خيّچ عالهزل
او جسمچ اعلى افراگ خيچ يوم موتچ منتحل 
جثته ظلّت تريبه  
و الگمر طوّل مغيبه 
يوم متّين ما بچيتين  
منهو بالأخوان عندچ بعده صرتي امروّعه 
منهو بالأخوان تبچينه چفوفه امگطّعه
منهو بالأخوان بعيون سهم و الفاجعه
راسه مفضوخ ابعمد و نتي نظرتي مصرعه 
او صحتي يا خويه غريبه 
من بعد عينك سليبه 
يوم متّين ما بچيتين  
@@@@@@
أبو فراس الحمراني