ربيع الأول 1447
في وداع مولاتي السيدة سكينة ع بنت الحسين ع
ماتت اسكينه يا عزيز الزهره
هاذي العزيزه والحبيبه يا أبو اسكينه
عاشت عمرها يالولي واعليك محزونه
نعش حوى جسم الطهاره جو ايشيعونه
واسمك على هذا النعش كلهم يرفعونه
ماتت عليك اتنوح والله ابحسره
ماتت اسكينه يا عزيز الزهره
عاشت على ذكراك يالغالي تون وتنوح
والگلب منها الكربله ما فتر امن النوح
تبچي او تنادي يا أبوها ويلي للمذبوح
بعيوني فوگ الرمضى باگي والجسد مطروح
وتگول ما أنسه أبويه او نحره
ماتت اسكينه يا عزيز الزهره
نحل جسمها هالسبا واللي جرى اعليها
تندب تنادي بوعلي هالليله متجيها
انته أبوها والذخر تبغي تواسيها
تبچي عليك أبو علي او هم انته تبچيها
تنظر إليها هاذي آخر نظره
ماتت اسكينه يا عزيز الزهره
وينه البطل عباس ما ينهض إلى اسكينه
من راح يم المشرعه بس ما رجع لينه
ندبوه من طف كربله سگاينه إيجينه
باصيح له يبوالفضل وينه الوعد وينه
تبغي العلم فوگ النعش تنشره
ماتت اسكينه يا عزيز الزهره
@@@@@@
أبو فراس الحمراني