عنّي الغالي أبويه مات او راح

صفر 1447

عنّي الغالي أبويه مات او راح
او عشت أنا ما بين همّي و الجراح
راح أبويه .. راح أبويه
######
فاگده أعظم أبو و عظم حنون
ما يهون اعليّه فگده ما يهون 
ما ألوم ادموع حزني بالجفون
لن عمد بيتي بعد عيناه طاح
راح أبويه .. راح أبويه
######
الأبو غالي او فگده اشگد مصاب
و الذي إيزيد الألم ويّا العذاب
لين تتصوّر إليه تحت التراب
تبگى ما بين
 لهضم و يّا النياح
راح أبويه .. راح أبويه
######
من أجيه اعلى الگبر  بالذكريات
و اذكر امسافر أويلي او عنّي مات
أصفگ الچفّين ما ريد الحياة
عايشه ابهمّي او فؤادي ما استراح
راح أبويه .. راح أبويه
######
چنّ أبويه اجناحي اللي بيه أطير
او بعد موته صار وا حسره كسير
طعم كل شي في حياتي مر يصير
ليل كله عمري من بعد الصباح
راح أبويه .. راح أبويه
@@@@@@
أبو فراس الحمراني