بالله حاچوا العيد لا يگبل علينه

بالله حاچوا العيد لا يگبل علينه
هالسنه ابلحزان فارگنا أبونه

بالله يالأحباب من يگبل عليكم 
عنّا خبروا العيد طلبه من يجيكم
گولوا ليه عن بيتنا ابهم نرتجيكم
راح راعي البيت هذا من إيدينه 
هالسنه ابلحزان فارگنا أبونه

لا تروح البيت هذا كلّه أصوات
للبچي يا عيد وا ويلي أو آهات
ما يعيّد هالسنه لنّه الأبو مات
او بيت فارگ له الأبو دوره حزينه
هالسنه ابلحزان فارگنا أبونه

اشلون يا عيد الفرح و البيت محزون
او كل حبايب الأبو لجله ينوحون
لا يجي هالبيت توّه الغالي مدفون
او كل إبن في البيت بس الله يعينه
هالسنه ابلحزان فارگنا أبونه

أهل هذا البيت بين اهموم و مصاب
عالأبو لبسوا تراهم سود لثياب 
بالله يا عيد ابتعد ذاب الگلب ذاب
من يذكرونك و بوهم فاگدينه
هالسنه ابلحزان فارگنا أبونه
@@@@@@
أبو فراس الحمراني