دفنت الصادق ابگبره او بعد دفنه رجعت الدار
تشاهد جملة أيتامه او حريمه و الدمع مدرار
و لا شفت اليتاما اتلوج بصحرا او ما عليها استار
و لا حرمه تحن و تنوح أويلي أو ما عليها خمار
حسين حسين حسين
او علي السجّاد دفن لحسين او رجع ليتامه نص الليل
او بني أميه تعذبها او دمعها اعلى الخدود إيسيل
او من تنحب او من تندب تشوف اسيوف ويا الخيل
شمر يخزرها بعيونه او شافت من خوّلّه الويل
حسين حسين حسين
يدافن جسم أبو الكاظم رجعت البيتك أو عزّوك
جميع إخوانك ابلحزان على يمناك إجو إيواسوك
او وحدك بالمصيبه اتصير
الأهل كلهم فلا خلّوك
او على اعمامة ولي الله
تشمها او تنتحب تركوك
حسين حسين حسين
او علي العابد رجع بالهم بعد دفن الولي المحروم
وجته العيله بالحسرات أو حوله بالدموع اتحوم
او زينب تسأل الغالي عن العباس و المظلوم
وهو يوگع او مرّه ايگوم و يجاوبها ابگلب مألوم
حسين حسين حسين
@@@@@@@
أبو فراس الحمراني
... نسألكم الدعاء ...