اسأل مجرب و لا تسأل طبيب
اسأل مجرب و لا تسأل طبيب

استمع يبني إلى قصة غرام 
بيني او بين الرضا مولانا
باب للحاجات و اعليه السلام 
من تنادي ابحضرته رجوانا
يبني هذا الحب ماله من مثيل
او گاصده گلبه تزول أحزانه

و الدعا باسمه العلي لازم يجيب
اسأل مجرب و لا تسأل طبيب
اسأل مجرب و لا تسأل طبيب

يوم بالأيام ضاگت دنيتي
بالبلايا و المصايب و المحن
صرت أدير أفكار يا رب السما
ما لي غيرك يا إلهي أندبن
جاني هاتف يالله شد الهالرحال
و اگصد الضامن علي آبو الحسن
و الوطن عافيت يبني او سافرت
بالجسد و الروح حگ  أغلى وطن

و الدرب حگ الرضا شفته گريب
اسأل مجرب و لا تسأل طبيب
اسأل مجرب و لا تسأل طبيب

يبني سايل والدك شنهو اللي شاف
يوم وصل عد ضريحه بالعيون
ناس تلثم بابه من تدخله إليه
او بالصحن شيعة علي بس يندبون
الله يا كثر الدعاء اعلى العتاب
و الله يا كثر الذي له ينذرون
شاف أبوك الناس جت من كل مكان
بالحوايج باب الله يگصدون

او يبتشر گلب اللي للجنه قريب
اسأل مجرب و لا تسأل طبيب
اسأل مجرب و لا تسأل طبيب

من بعد ما دار گلبي اعلى الضريح
صوب راسه گمت أصلي ركعتين
او في قنوتي ليه ناديت الدعاء
او بين طلباتي قسم بم الحسين
او بالرخام اللي عليه روحه تدور
طالت السجده او عفرت الجبين
الوالدي و الوالده ويشگد دعيت
او ما نسيت امن الدعا للمؤمنين

و بضريحه احساس يوليدي عجيب
اسأل مجرب و لا تسأل طبيب
اسأل مجرب و لا تسأل طبيب
@@@@@
أبو فراس الحمراني