أبوذيات لمولد ضامن الجنان و أنيس النفوس ع
إمامي يالرضا احروفك شملها
ونورك شيعتك كلها شملها
إمامي اولايتك لملم شملها
او نورك ضوه حگ كل البريه
###### محبك يا الولي إيدك نشدها
او حروف اسمك تغنى ابها او نشدها
او حبال امودتك كلنا نشدها
أيا شمس الشموس اللي مضيه
######
أبونا امن الصغر يلهج و أمنه
باسمك يا الولي كلنا وأمنه
مثل آهو ال وجد دربه و أمنه
وجدنا ابدربك السامي الهويه
######
١٠٠٠ سهله يمولانا و أهله
يمن كل شي حلو صرت انته أهله
وهل معشوگ للحبك و هل له ؟!
يجاوب گلبي لا يبن الزچيه
###### أبوصف بالمدح محلاه مشهد
مثل جنة عدن يا ناس مشهد
او لغير الضامن ابلجنان مشهد
او عيني اتشاهد الگبه البهيه
######
تمناك المحب تعطيه ورده
او گلبه من بساتينك تورده
ترى ما خاب الذي اسمك بورده
او ورده يوصل السبع العليه
######
يزاير للرضا خذ روحي ودها
تزور الضامن ابكل شوگ ودها
او تكتب عالضريح احروف ودها
او تشم ابمرقده الريحه الزكيه
######
علي السلطان يتشرف به الجاه
او أبدن ما يخيب الگاصده او جاه
ومن كل معضله السلطان انجاه
او گصدته ابحاجتي ابهاذي المسيه
######
أنيس اللي عشگ اسمك و جن به
و عد گلبي بگى اسمك وجنبه
وغيرك أبعده عني و جنبه
أنيس انفوس كل الحيدريه
@@@@@
أبو فراس الحمراني
... نسألكم الدعاء ...