گص لي تذكره بگصد لمشهد

گص لي تذكره بگصد لمشهد
حلاته مرقده ابعمري لمشهد
و ليها الجنّه عد گبره لمشهد
او نوره وصّل السبع العليّه
########
 جوازي يالله باطلعه و حضره
وليه أحلى حچي عندي بحضره
او مولد سيدي ابمشهد بحضره
او ببارك للنبي و أمّه الزچيّه 
########
 او بركب أحلى طيّاره
 و رحله 
او بحمل عشگي للغالي و رحله 
او بحط عنده الگلب كلّه و رحله 
صلاة الله عليه ويّا التحيّه 
########
 مطار اللي لعند گبره يودّي
أروحه ابكل فرح
 و صرخ يودّي
و لا اگطع جيّتك دايم يودّي
او ودّي للرضا ازياره و جيّه 
########
 و إذا لاحت لي الگبّه و راها 
رميت أحزان نفسي من وراها
او روحي النار من عشگي وراها
و سلّم من بعيد اعليه بديّه 
########
يمجمل نظره حگ سوره او جداره
اومرقد بو الحسن شدني ابجداره
او بداره من نزل ضيفه او جا داره
يلاگي چف أبو امحمّد نديّه
########
 او كلمن مرقده ليه جاه ينسه
حياته او دنيته او نوره يونسه
او جميع الكون من جنّه او يونسه
تسلّم عالرضا صبح او مسيّه
@@@@@@
أبو فراس الحمراني