نون و القلم نون و القلم
نهوى آل المصطفى خير الأمم
######
سرسح على گلب المحب ّحب الميامين
او برّد على گلبه اسم خير النبيين
او فاطم اسمها للمحِّب بيه قرّت العين
او حيدر شرح صدر المحَِب و الحسن و حسين
گول إي نعم گول إي نعم
نهوى آل المصطفى خير الأمم
######
لعلع باسم آل النبي خير البريَه
و ارفع لراسك عاشگ أولاد الزچيّه
او صوتك درفعه يوصل السبع العليّه
و اكتب على صدرك عشگهم والهويّه
نور للظُلَم
نور للظُلَم
نهوى آل المصطفى خير الأمم
######
هلّل إذا گالوا أهل بيت الرّساله
و اعلم فضلهم هذا من ربِّ الجلاله
معبر إلى الجنّه بعد ما فيه بداله
او طول الدهر حبهم إلى الشيعي الكفاله
او غيرهم وهم
او غيرهم وهم
نهوى آل المصطفى خير الأمم
######
عَنعِن معاجزهم بعد و انشر عِلِمهم
وارفع بكل وادي إذا تجي له عَلَمهم
قال النبي كلهم ترى يكتب قلمهم
و لعن بكل أنفاس منك من ظلمهم
او ليهم خدم
او ليهم خدم
نهوى آل المصطفى خير الأمم
@@@@@
أبو فراس الحمراني
... نسألكم الدعاء ...