يالله للرضا او لمشهده اتعنّه

يالله للرضا او لمشهده اتعنّه
 او سمّعنه مديحك ضامن الجنّه 
 او سمّعنه مديحك ضامن الجنّه 
ارفع لصوتك بالقصيد أبيات أبيات
و ابعث لمشهد للرضا كل التحيات
و بهاتف الزوّار صوتك ليه رنّات
و انته تلعلع صورتك بالChat بالChat

تجلي امن الگلب من يسمعك حزنه
 او سمّعنه مديحك ضامن الجنّه 
عندك أبوذيات نغّمها و جرها
بحروف أبو محمد ترى ويشگد أجرها
غرّد أيا مدّاح و تلاگي أجرها
و اجرك على الكرّار و الزهرا الزچيه

مدحك للرضا تدري ابثگل وزنه
 او سمّعنه مديحك ضامن الجنّه 
عطنا لكم جلوه سو بيها الهوايل
او عن ضامن الجنه جيب ابها الفضايل 
اومنه ترى الجنه ضامنها مقابل
ابوتسابي ابصوتك باخلّي الرسايل

او مثلك سيدي ينساه ما ظنّه
 او سمّعنه مديحك ضامن الجنّه 
يعشگ فؤادي گلبك المخلص و يمدحه
و إحساس لك نظرات بعيوني تفضحه
او كل القصايد هالشعور او ما تشرحه 
يا خادم أهل البيت دلّالي تفرحه

أتمنّى إلك كل خير أتمنّى
 او سمّعنه مديحك ضامن الجنّه 
@@@@@
أبو فراس الحمراني