لجل الجواد خل دموعك هامله
او سلّم على المِنذبح في كربله
######
أوگف ابوسط الصحن يالجاي يالجاي
او ناده يا روح الرّضا مولاي مولاي
تبچي لجل امصيبتك عيناي عيناي
او تندب اللي ما شرب للماي للماي
برض الطّفوف هاذي أعظم نازِله
او سلَم على المنذبح في كربله
######
ألطم او دگ الصدر بِيدين بِيدين
و بچي عالظّامي گضى بِونين بِونين
او گلبه من ذاك السهم نصين نصين
او شيل صوتك بالعزا يحسين يحسين
من مشهده يالله صوتك وصّله
او سلّم على المنذبح في كربله
######
من تِزور المرقده و اتدور و اتدور
حوله تبچي و الدمع منثور منثور
أصرخ او ما ينسه عاشور عاشور
او جدّك ابسيف الشَمر منحور منحور
و لعن شمر يالله و لعن حرمله
او سلّم على المنذبح في كربله
######
يالجواد او خبّره خلّوه خلّوه
بالشمس جدّك و لا شالوه شالوه
او صدره مهجة فاطمه رضّوه رضّوه
او راسه من فوگ الرَُمح علّوه علّوه
و اقرا المصاب عنده سو الزلزله
او سلّم على المِنذبِح في كربله
@@@@@
أبو فراس الحمراني
... نسألكم الدعاء ...