لا إنتي جيتي او لا علي

لا إنتي جيتي او لا علي
يم الحسن منهو إلي
أويلاه أويلاه سمّوني
أويلاه أويلاه سمّوني

 بالسم ييمّه چبدتي متفطره
او گلبي من اسموم العدا كالجمره
وحدي أعالج بالألم و الحسره
او ناديت وينچ فاطمه يازهرا 
لا إنتي جيتي او لا علي
يم الحسن منهو إلي
أويلاه أويلاه سمّوني
أويلاه أويلاه سمّوني

دمعي على خدَي من امصابي نزف
و اسمع النّاعي بالمنيه لي هتف
حالي ييمّه و الله لا ما ينوصف 
او وجّهت وجهي حگ علي برض النجف
لا إنتي جيتي او لا علي
يم الحسن منهو إلي
أويلاه أويلاه سمّوني
أويلاه أويلاه سمّوني

للموت يمّه مدّديت إيديني
او لارض المدينه عالي عالي أونيني
للكاظميه و ارتجيت اتجيني
و تعالجين الچبدي و اتداويني
لا إنتي جيتي او لا علي
يم الحسن منهو إلي
أويلاه أويلاه سمّوني
أويلاه أويلاه سمّوني

 و لا أبو و لا أخو او لا عيله 
ميّت تراني ابريحتي  هالليله
وينه العشيره نعشي تلفي اتشيله
او فوگ الگبر دمع الوداع اتسيله
لا إنتي جيتي او لا علي
يم الحسن منهو إلي
أويلاه أويلاه سمّوني 
أويلاه أويلاه سمّوني
@@@@@@
أبو فراس الحمراني