تهمل عيوني للدمع لين اذكروها 

*ويّا ال بِچوها ،، 
 تهمل عيوني للدمع لين اذكروها 
 مولاتي زينب ،، مولاتي زينب* 
%%%%%%%
إذا النّاعي نعى بنت الميامين
يسيّل مدمعي او تتجرّح العين
ابلسان الحال ليها يقرا بيتين
و جاوب و الگلب للحوره نصّين
بگيت امحيرة وصفگ باليدين او لاعباس يبرالي ولا حسين 

چم عذّبوها،، 
 تهمل عيوني للدمع لين اذكروها 
 مولاتي زينب ،، مولاتي زينب* 
%%%%%%%
ما تنسه لمخدّره و الگلب مألوم 
عافت أخوها ابگربله امخضّب بالدموم
او مجروح گلبي للوديعه و الله لليوم
او كلما أسمعه أنتحب و بچي يمظلوم
ما شوف أنا يَحسين غير اجبال لهموم .. تترادف اﮔـبالي يخويه مثل لغيوم 

او من يسّروها ،،
 تهمل عيوني للدمع لين اذكروها 
 مولاتي زينب ،، مولاتي زينب* 
%%%%%%%
و بكل مجالس العزا للصدر دگّيت
و بكل مواكب اللطم للحوره واسيت 
او لو صاح ناعي أم الحزن ونّيت ونّيت
او ويّا العقيله من بچت دمعاتي هلّيت 

عباس ماني امن المدينه ابذمتك جيت ،، لجلك او لجلك او لجل احسين عفت الوطن و البيت 

زينب يخوها ،،
 تهمل عيوني للدمع لين اذكروها 
 مولاتي زينب ،، مولاتي زينب* 
%%%%%%%
مثلات زينب بت علي أبدن فلا صار
يبگى جرحها ينقرا كل ليل و نهار
او لالام كلها في صدر بت حامي الجار
من أسمع البيت الذي حيّر ل لفكار 
ابمجلس يزيد امخدّرة حيدر الكرّار ،، من غير والي تصفگ اليمنه بليسار 

او سبّوا أبوها ،،
 تهمل عيوني للدمع لين اذكروها 
 مولاتي زينب ،، مولاتي زينب* 
@@@@@@
أبو فراس الحمراني