الله إيساعد گلبها امّيمتي

الله إيساعد گلبها امّيمتي 
 من تخبروها ابرحيلي او موتتي 
و الله گلب الأم يفّز او ينفطر
ليه سمع إنّ الولد صار ابخطر 
او لو يموت الكسر بيه ما ينجبر
و أمي كانت تنتظرني ابرجعتي
الله إيساعد گلبها امّيمتي 
من تخبروها الولد مات او رحل
اتصير بين أحزانها او دمع المقل 
مصعبه افراگ الولد ما يُحتمل
و امي محرومه ترى من شوفتي 
الله إيساعد گلبها امّيمتي 
لو درت ميّت أنا إيروح البصر
او تندبن يا ناس حفروا لي الگبر
اتگول من بعد الولد ما لي عمر 
مهجة امي ابموتتي اتفّت مهجتي
الله إيساعد گلبها امّيمتي 
او من تخبروها ترى يچوي المصاب
صدر كل أم فاگده زهرة شباب
اشلون تتصور بدرها في التراب
أمي ما تگدر تفارگ صورتي
الله إيساعد گلبها امّيمتي 
@@@@@
أبو فراس الحمراني