من تِذكرون الجواد اگليبه ظامي آه يشيعه

من تِذكرون الجواد اگليبه ظامي آه يشيعه
نادوا العبّاس في مجلس عزاكم بالفجيعه
ليش ما روّيت گلبك يوم طبّيت الشريعه
ليش ما روّيت گلبك يوم طبّيت الشريعه
يذكر الوالي لعمّه بو الفضل راعي الحميّه
من ملك لفرات كلّه ابهمته او نفسه الأبيّه
او كان همّه بالحسين او زينب أخته الهاشميّه
او لن جواب احسين خيّه حين گالت له دموعه
ليش ما روّيت گلبك يوم طبّيت الشريعه
بالعطش خلّه فؤاده من ذكر عبدالله ظامي
او گال للريح الجريحه للرباب اخذي سلامي
هميت اعيوني على جودي او منّه الماي هامي
او من ندبني احسين خويه ها يبو اچفوف الگطيعه
ليش ما روّيت گلبك يوم طبّيت الشريعه
ظل على شاطي النهر يبچي لسكنه من وعدها
من إجت ويّا الطفل ناده بجدّي ما أردها
تالي طاح او خيمة اسكينه وگع منها عمدها
او صار يسمع أبو سكنه من مسح بيده نجيعه
ليش ما روّيت گلبك يوم طبّيت الشريعه
عمّي سهم العين عنده او گطعة إيمينه او يساره
ما تساوي وحدة المظلوم من دمعه تجارى
و بوفاضل لبو لكبر ودّعه و ابدى اعتذاره
او گلّه لا تسمع كلامك هذا يا خيّي الوديعه
ليش ما روّيت گلبك يوم طبّيت الشريعه
@@@@@@
أبو فراس الحمراني