الإمام الصادق ع مخاطبا العيد و هو في حزنه على أبيه الباقر ع
يا عيد لا لا اتجيني يا عيد لا لا اتجيني
فاگد أبويه الغالي او حمره عليه اعيوني
يومين من ودّعته او وسط الگبر واريته
او ما زال جرحه ابصدري او موحش عليّه بيته
لو أبچي ليه كل عمري لا و الله ما وفّيته
لابس حزن تدريني يا عيد لا لا اتجيني
و شلون أعيّد و لبس يا عيد ثوب الزينه
او گلب العطوف الوالد تحت الثرى امغطّينه
او مو عادته في يومك منشوفه و يخلّينه
و فراگه چم يچويني يا عيد لا لا اتجيني
توّه الأبو و الخيمه عنّي يحسره شايل
وينه ابتسم في يومك و سرور بيّه ما ظل
موت الأبو يفجعني او دمعي ابخدودي سايل
و صفگ عليه بيديني يا عيد لا لا اتجيني
بالمگبره باعيّد عند الأبو بالحسره
او بنعي عليه او بقرا او بتمدّد اعلى گبره
تدري الفگد للوالد يسعر دليله جمره
ابهمّي بعد خلّيني يا عيد لا لا اتجيني
@@@@@@
أبو فراس الحمراني
... نسألكم الدعاء ...