طلعت ابهيبه او معزّه هالضعينه
و بو فاضل العلم رفّ ابيمينه
######
گالت الحوره او نعم يوافي الباس
هلا ابشيّال العلم و خويه عبّاس
تاج راسي يا شهم يا رفعة الرّاس
يا الذي مثلك أخو ما صار بالنّاس
گال خادم بو الفضل و تآمرينه
و بو فاضل العلم رفّ ابيمينه
######
احنا راسه او گلها يا ست النساوين
خل تقّر عيناچ زينب لا تحاتين
إنتي من حيدر وديعه امشيّد الدّين
في أمانه بو الفضل إنتين و حسين
او حگ ضلع أمّچ او ساكن المدينه
و بو فاضل العلم رفّ ابيمينه
######
باچر اتشوفين صولات أبو فاضل
ابعيني إنتي والحرم هلبالمحامل
باچر اتگولين گلّي أبو فاضل
لگلب الحومه و سوّيها زلازل
او شدها لعمامة الخضره اعلى جبينه
و بو فاضل العلم رفّ ابيمينه
######
خل فؤادچ يطمئن ما دمتي ويّاي
دام واعدتچ أظل الوعدي وفّاي
ونا من ألقابي يا زينب السگاي
ليكم ابوسط الخيم باجيب للماي
و الوعد عندّي عهد بينه او بينه
و بو فاضل العلم رفّ ابيمينه
@@@@@
أبو فراس الحمراني
... نسألكم الدعاء ...