وفاة الإمام موسى بن جعفر (ع)
موسى بن جعفر چبـــــده تفطــــر
من حــر لسموم واحنا بعزا اليوم
موسى بن جعفر موسى بن جعفر
يادهر ليش تقصدت تظلم العتــــره شلي جنو نسل النبي تقصد الغدره
يوم السقيفه اللي نعقد وانتشر شره لليوم احفاد الرجس تحمل الجمره
ماحد تغير وموسى بن جعفر چبده تفطر
امة محمد خالفو وصارت عدوه وسفه أهل بيت الوحي وعلم النبوه
اتشردو بكل بلد وراحـــــو بقوه حتــى طفلهم ماسلم گلي اشــــسوه
بالثرى معفر وموسى بن جعفر چبده تفطر
منهم گضوا بكربلا بالسيف مذبـــــوح ومنهم شرب سم جبدته امتلت بجروح
وبظلمه سجون اختفوا وببرور وسفوح ومهم عليهم في عزه دايم مــــع النوح
قلبها يسعر ا وموسى بن جعفر چبده تفطر
بوسط القبر تبجي وتأن من فعله القوم تنصب عزا لمصيبه الأولاد كل يوم
و اللي انطبر بمسجده بسيف مسمــوم وعلى الحسن اللي نزف من جوفه لدموم
جسمه تخضّر وموسى بن جعفر چبده تفطر
وعضم عليها امصيبه المذبوح لحسين ماهدأ ونها من البچى محمرة العين
ولمصيبته نسيت ألم كسرة الضلعين ومو گيد واحد للولي السجاد قيدين
بالسبي يظهر وموسى بن جعفر چبده تفطر
موسى بن جعفر چبـــــده تفطــــر
من حــر لسموم واحنا بعزا اليوم
موسى بن جعفر موسى بن جعفر
وانظر بحسره للبقيع شلون لگبور رغم الظلم ورغم الهدم ماينطفي النور
نورالله باقي للأبد رغما عن الجور نگطع مسافه ونعتنيكم سادتي نزور
الأربعه تزهر وموسى بن جعفر چبده تفطر
وابو الرضا ضل ينتقل مابين السجون مأخوذ قوه من الوطن قتله يريــدون
بأمر الرشيد الظالم الطاغي الملـــعون الگلب لمصاب الولي يبجي ولعيون
بالسم تأثر موسى بن جعفر چبده تفطر
وجسم الولي ضل يسحبونه برجله لگيود يصعب علينا منظره بالجسر ممدود
والناس تلطم عالصدر وتخمش بالخـــدود جسمه ترى موبالثرى بالگلب موجود
وبنوره يزهر وموسى بن جعفر چبده تفطر
خادم أصحاب الدمعـــة
عبدالرضا ميرزا جمعة
14/8/2006
20رجب 1427 هـ