فاطم تندب الجواد
فاطم في قبرها اليوم تنوح وتندب المسموم
مصابك جرح افادي يشابه جدك المظلوم
غريب الدار والأوطان عليك إلتفت العدوان
ومن دارك غصب طلعوك ماراعوك يعالي الشان
بنو العباس غدروا بيك وجدك غدرته سفيان
قطعوا قلبك ابسموم وجدك قطعه لسنان
وآني ابقبري أتألم أنصب ليهم الماتم
كشفوا اللحد يالوادم بطلع لبني المسموم
ياشيعة نشرت أعلام وفي قبري أبد مانام
مرمي حسين بالرمضى ثلاثاً والقلب ينضام
الجواد مغمض اعيونه بسطح الدار ثلت أيام
ظل مرمي مثل جده حقد من فعلة الظلام
الدهر صوبني بولادي ولاجني انت الهادي
عليهم ذايب افادي بطلع لبني المسموم
مهر حسين للخدر ياويلي قصد محتار
عنانه اعلى الأرض ينجر الظليمة ايصيح ياللعار
الجواد اعليه طير أبيض قصد قبر النبي المختار
وصل روضة الزهره يخبرها بالجرى وصار
ولنها اتصيح وسط القاع قلبي مصوب ومرتاع
كشفوا اللحد ليه الساع بطلع لبني المسموم
ظل اوحيد برض الطف ولا واحد وقف دونه
وابنه في أرض بغداد مرمي امغمض اعيونه
وقلبه من لهيب السم بالطست يوذرونه
ابطشت راس الشهيد حسين يلوح امكسره اسنونه
وعليهم ذاب دلالي مصايب دوهشت بالي
آه اعليك يالوالي بطلع لبني المسموم