الله يعطيني زياره ليك يا باب المراد ،،،، يا سلام الله على روحك إمامي يالجواد
چم تساوي الدنيا لين أوكف على بابك و ون
و لثم أعتابك و بلّلها بدمعات الحزن
هاذي صرخات الفؤاد
الله يعطيني زياره ليك يا باب المراد
ونظر المهدي يزور ازيارته ابگلبن وجيع
يجري يجري مدمعه او نحبه على سمّك فجيع
او لابس اثياب السواد
الله يعطيني زياره ليك يا باب المراد
و شوف للمهدي يروح الحرمه عد راسك تصيح
نوب توگف من حزنها او نوب من همها تطيح
او تصرخ اوياها العباد
الله يعطيني زياره ليك يا باب المراد
أسأل امن الناس منهي هاللي تبچي امألمه
او ينفطر گلبي إذا گالوا الزچيه فاطمه
صايره دوم ابحداد
الله يعطيني زياره ليك يا باب المراد
آنه من أقرا النواعي صوب گبرك ونتحب
أشوف جمر المنتظر و الزهرا بالگلب التهب
او يبچي آه حتى الجماد
الله يعطيني زياره ليك يا باب المراد
تدري ما أگدر أزورك او ما أعفّر هالجبين
إلا لمّن أذكر الغالي و سلّم عالحسين
ذخري ذخري للمعاد
الله يعطيني زياره ليك يا باب المراد
چنّي من أنطگ لاسمه يبچي يبچي المنتظر
او فاطمه تلطم صدرها او فوگ ضلع اللي انكسر
و الحزن في صدري زاد
الله يعطيني زياره ليك يا باب المراد
@@@@@@
أبو فراس الحمراني
... نسألكم الدعاء ...