ناده الوديعه بو الفضل يمدلَله يمدلَله
يالله استعدي للمحن گومي نروح الكربله
گالت يعباس الخبر عندي من أمّي فاطمه
او من حيدر ابهذا الشهر و بهالسفر حامي الحِمه
خبّرني لحرام أنزعه و بچي عليه متألّمه
گامت او گالت هالخدر يالله يعباس الزمه
إنتي يگلها ابذمتي يا تاج راس العايله
يالله استعدي للمحن گومي نروح الكربله
نشرت عباة أم الحسن او گالت له خذ هذا الخبر
هاذي العبايه ابكربله يحرگها بخيمنا الجمر
بلَلها خويه ابدمعتك و اطلب بعد ليها الصبر
تتمزّگ ابيوم إحدعش عبّاس من سوط الشمر
گلها بعد عيني الضعن إنتي إليه الكافله
يالله استعدي للمحن گومي نروح الكربله
شدّت عليها المگنعه و بهودج العفّه حچت
ليتك تشوف أختك بعد بين العدا و تحيّرت
او من يركض ابرمحه العدو عباس نادت و ركضت
ليتك تشوف المگنعه ياللي حماها اتسلّبت
ون انكتب هذا الأمر و دموعه ظلّت هامله
يالله استعدي للمحن گومي نروح الكربله
ياللي تعدّل هودجي و توّصي بيّه ناگتي
ويّاك ٱنه الكربله لمدلّله في روحتي
ويش البصر يكافلي من كربله في طلعتي
و ٱنه أودعك عالنهر و تگلّي ابري ذمّتي
استرجع ابحزن او هضم هذا الحچي متحمّله
يالله استعدي للمحن گومي نروح الكربله
@@@@@@
أبو فراس الحمراني
... نسألكم الدعاء ...