إلى الأبد إلى الأبد إلى الأبد وياك
يا أبو الأكبر ،،،،لا منتغير
######
بسمل فؤادي من صغر سني
رتل لسورة كربله ابحزني
او ظل الدمع طول العمر فني
او كل يوم عاشر گلبي يتصور
يا أبو الأكبر ،،،،لا منتغير
######
بكتب قصايد خالده ابدمي
متبلله من دمعي اليهمي
يهمي على احسين البگى مرمي
و بالأعوجيه صدره يتكسر
يا أبو الأكبر ،،،،لا منتغير
######
بنعي على راسك يرفعونه
حتى الگبر ببچي يبو سكينه
كل العمر لو احنا عزينا
ما نوفي گطرة دم من المنحر
يا أبو الأكبر ،،،،لا منتغير
######
نادر حياتي ما أخليها
هاذي المواتم روحي تفديها
او خدامك انته اللي تجازيها
و اسمك عليها تاج بالمحشر
يا أبو الأكبر ،،،،لا منتغير
######
ليه الفخر لمن ينادوني
خادم ابو سكينه يسموني
و بهاللقب كلهم يمدحوني
و اليخدمك يا سيدي يفخر
يا أبو الأكبر ،،،،لا منتغير
######
بيني او بين الخاطر اتكلم
كلمن خدم لحسين لا يهتم
امن النار جسمه بالحشر يسلم
او نادر إليه عمره إليه يحضر
يا أبو الأكبر ،،،،لا منتغير
@@@@@
أبو فراس الحمراني
... نسألكم الدعاء ...