الناس كلها امعيّده و احنا ابحزن ظلّينا
و رقيه تسأل عمتي ماخذنه بويه الوينه
چنّي بعد هذا السفره ويّاي تحچي اظنوني
چني بعد هذا السفره تدمع يعمّه اعيوني
چنّي بعد هذا السفره في وحدتي اتعفوني
او ما شوف خوله يمّي او لا شوف عندي اسكينه
######
يا عمّه نشدي عمّي عباس بيرجّعني
يا عمّه نشدي عمّي من أبچي ابيحضنّي
يا عمّه نشدي عمّي هودج بيخلي الضعني
لو أطلبه إيلبّيني لو للضعن ما إيجينا
######
گولي لبويه الغالي ارقيّه تبچي ابهمها
گولي لبويه الغالي منّك فلا تحرمها
گولي لبويه الغالي بالله و لا اتيتمها
او سأليه يوم النرجع الوالي هو حامينا
######
إحساس عندي عمّه چنها مصايب كثره
إحساس عندي عمّه نفگد عزيز الزهره
إحساس عندي عمّه او بيّه الجرح ما يبره
انخلي أهلنا او نرحل لو هلنا بيخلّونه
@@@@@
أبو فراس الحمراني
... نسألكم الدعاء ...