بايعتك مولاي
🤲🤲🤲🤲
ارفع إيديك أو نادي يا علي
أنا بايعتك أمير المؤمنين
أنا بايعتك أمير المؤمنين
######
اللي بايع حيدره لملاك إيغبطونه
و اسمه بظلال العرش تكريم له ايخطّونه
تالي اكتابه ابيمينه ابمحشره يعطونه
صوب كوثر بو الحسن مقعد إله ايحطّونه
و يشوف مخطوط على كوثر علي
أنا بايعتك أمير المؤمنين
أنا بايعتك أمير المؤمنين
######
اللي بايع حيدره الله يعلّي اجبينه
او يسعى نوره بالحشر او عاشگ علي ايعرفونه
صوب باب اجهنّم الشيعي و لا إيودونه
للجنان اللي يوالي المرتضى ايزفّونه
ابگصره محفور قسم گال ال علي
أنا بايعتك أمير المؤمنين
أنا بايعتك أمير المؤمنين
######
اللي بايع حيدره فلا يخاف اذنوبه
بالحساب اعلى علي و الله الشفاعه صوبه
صفحة العاشگ نظيفه او حب علي كالتوبه
و المحب لازم يلاگي حيدره محبوبه
او يسمع ال صوت ندب به يا علي
أنا بايعتك أمير المؤمنين
أنا بايعتك أمير المؤمنين
######
اللي بايع حيدره و يشگد ثگل ميزانه
ابيوم تنصيب الولي والله اكتمل إيمانه
دين كل شيعي نعم حيدر علي أركانه
فوگ جبهة كل محب ولايته عنوانه
و احنا عنوان صحيفتنا علي
أنا بايعتك أمير المؤمنين
أنا بايعتك أمير المؤتمنين
@@@@@
أبو فراس الحمراني
... نسألكم الدعاء ...