مو مسموح تتكلّم على حيدر

مو مسموح تتكلّم على حيدر
 خط أحمر علي الكرّار خط أحمر 
########
ما عندّك علم باب العلم حگ المدينه
او ما تقرا الأحاديث اللي صدّرها نبينه
دين الله علي واحد غدا امن أركان دينه
حلّال المشاكل حيدره او صوبه التجينه

ما تگدر تشوّه اسمه ما تگدر
 خط أحمر علي الكرّار خط أحمر 
########
أشجع من عرف لسلام و التاريخ كلّه
او سيفه ذو الفقار ابيمنته ما صار مثله
من باب الحصن في خيبره يگدر يحمله
او لو مرحب ألف منّه يجي حيدر يجدله

و اسم بالحرب منصور يبتختر
 خط أحمر علي الكرّار خط أحمر 
########
عابد مثله لا ما قط جرى ما بين لعباد
لا تنقل غلط ممّن نقل و يشيل لحقاد
حيدر من عرف الله او رسوله او عنه ما حاد
 طه المنذر او حيدر إلى الأمه ترى الهاد

مسجد طه يشهد له مع المنبر
 خط أحمر علي الكرّار خط أحمر 
########
مو مسموح تحچي عن علي ابزيفك او بهتان
ٱيات الكتاب الشاهده حگ أعظم إنسان
لو نهج البلاغه بالبلاغه مثله ما كان
او كفّة حيدره ترجح نعم في أى ميزان

مولانا علي او يبگى للمحشر
 خط أحمر علي الكرّار خط أحمر 
@@@@@@
أبو فراس الحمراني