( بين الحسين ع و زينب ع جرااااااح)
ينحب المظلوم عنّچ گال لي حامي الحميّه
گالت الحوره او عنّك خبّرتني أمّي الزچيّه
########
گال زينب بعد عيني تصبحين أختي غريبه
گالت اللي يجرحنّي أنته مرمي اعلى التريبه
گال و انتي يحرگونه امخيّمچ ويش هالمصيبه
گالت انته يا خليصي امخضّب الشيبه البهيّه
########
گال ليها إيطلّعونچ بالغصب ويّا النساوين
گالت أنظر للسهم في مهجتك يا خويه يحسين
گال و الشمر ابسياطه زينب إيورّم المتنين
گالت او عيني تشوفه فوگ صدرك ويشبديّه
########
گال ليها إيغلّلونچ بت علي فوگ الهزيله
گالت أنظر للشمر من ينحرك و ركض أجي له
گال ليها و السبي ويّا اليسر دمعي يسيله
گالت اللي يفجعنّي راسك اعلى السمهريّه
########
گال بتگولين بالأيتام خويه تمحنوني
گالت ابليّاك و العباس عدواني حدوني
گال بتگولين سبّوا بو علي أمّي او ولوني
گالت إيرضون صدرك مهجتي بالأعوجيّه
########
گال بتروحين من مجلس لمجلس چم تگاسي
گالت او راسك أمامي يضربونه تاج راسي
گال يتشفّون منّچ و آنه لچ دمعي يواسي
گالت اتموت اعلى راسك في خرابتهم رقيّه
########
گال ينظر لچ يزيد ابمجلسه بين الأجانب
گالت أندب يبو فاضل هاذي حزّاتك و عاتب
گال و اسمع حگ مصيبه يختي ابكل المصايب
گالت أدري يبو سكنه من يگولوا الخارجيّه
@@@@@@
أبو فراس الحمراني
... نسألكم الدعاء ...