بس الجواز الحيدري إيختمونه
و اعلى الصراط اليحمله إيعبرونه
&&&&&&
لون الجواز الحيدري ما مثله
مو كل بشر يحصل عليه و يحمله
لازم فروعه طاهره او كل أصله
حتى لباب الجنه تالي إيوصله
او غيره لباب الجنه ميراوونه
بس الجواز الحيدري إيختمونه
&&&&&&
من صوب بيت الطاهرين امصدّر
او صوب الهويه انكتب حب حيدر
او فصيلة الدم يا علي بيه تزهر
او تصريح فيه خل يورد اعلى الكوثر
او يوم الحشر الشيعي ميفتشونه
بس الجواز الحيدري إيختمونه
######
قويه و الله الواسطه او ميردها
خازن الجنه بس من إيشاهدها
هالواسطه للمرتضى ويشگدها
و الشيعه باغض حيدره يحسدها
ابكل النقاط الحيدري إيمشوّنه
بس الجواز الحيدري إيختمونه
&&&&&&
من حگه حامل هالجواز الراسه
يمشي و يرفعه ما حلاته احساسه
و الناصبي إشوفه يعض أضراسه
فاز الموالي و المعادي گاسى
عاشگ علي بالمحشر إيهنونه
بس الجواز الحيدري إيختمونه
@@@@@
أبو فراس الحمراني
... نسألكم الدعاء ...