يعباس جيب الماي لسكينه
و امن النهر ما اتجينا
يعباس جيب الماي لسكينه
من جودك اتروّينا
يعباس جيب الماي لسكينه
######
رافعه الإيدين و دعي يا الذي راح النهر
عسى سالم يبو فاضل عمي ترجع الخدر
هاذي أطفالك عطاشه يبو الشيمه تنتظر
تبتهل لله ترد ليها يعمي يالگمر
يعمي يا ساگينا
يعباس جيب الماي لسكينه
ارجع و لا اتخلينا
يعباس جيب الماي لسكينه
######
لمهات ابوسطة الأحزان عمي بالخيم
انهدم منها صبرها يبو فاضل انهدم
واعدت لطفال كلها الماي يا راعي الشيم
او نادت ابحگ النبي طه يرد راعي العلم
ما ظنّتي ناسينه
يعباس جيب الماي لسكينه
او كل اليتامه ابعينه
يعباس جيب الماي لسكينه
######
او وگفت اتصلي الرباب او تدعي يا أبو الفضل
إن شا الله الچفين منك سالمه او لينه تظل
إن شا الله أسمع ينادوني ترى الساگي وصل
او يرتوي بالماي يا عباس عبدالله الطفل
فرفر ترى بيدينه
يعباس جيب الماي لسكينه
ما يسكت امن أونينه
يعباس جيب الماي لسكينه
######
او زينب امبّين اليتاما شابحه صوب السما
او نادت ابحگ الوصي حيدر او أمي فاطمه
عسى راعي المرجله سالم يرد امخيمه
و لا أبچي على خويه بدل ادموعي دمه
و عيوني تسلم عينه
يعباس جيب الماي لسكينه
مثله إلي من وينه
يعباس جيب الماي لسكينه
@@@@@
أبو فراس الحمراني
... نسألكم الدعاء ...