خبري والدي المظلوم ترى گلبي اشكثر مجروح
او مالي عين يا عمّه أعرس والولي مذبوح
######
لعاد ألبس أنا الزينه او على عمّي الگلب محزون
او جسمه بالثرى امعفّر او سهم ناشب وسط لعيون
أنا مطعون دلالي على عمّي أنا مطعون
بنادي إيجيني العبّاس او دمع عيني عليه مسفوح
او مالي عين يا عمّه أعرس والولي مذبوح
######
أجر اونيني خلّيني وجر الحسره ويّا الآه
و حط اخضاب چفّيني يعمّه اشلون وا ويلاه
او عمّي اچفوفه مگطوعات ونا في خيمتي أنعاه
او ويني او وين أنا الأعراس دخلّيني عليه بانوح
او مالي عين يا عمّه أعرس والولي مذبوح
######
او ما يرهم شعر راسي يعمّه أصبغه ابحنّه
او لراس الغالي العباس بگى گلبي أنا ابحزنه
خضيب ابدمه عالتربان أجر حسره إله او ونّه
عمد صابه او فضخ راسه دخلّوني إله با روح
او مالي عين يا عمّه أعرس والولي مذبوح
######
أبگصد للنهر وا صيح أيا عمّي تعال او شوف
بعينك خيمة الأفراح عليها هالأعادي اتطوف
او رماح الگوم يا عمّي نثار الهالعرس و سيوف
او من كثر البچا صوتي أبا خبره ترى مبحوح
او مالي عين يا عمّه أعرس والولي مذبوح
@@@@@
أبو فراس الحمراني
... نسألكم الدعاء ...