محرم 1447
مع الحسين مع الحسين
إلى الأبد ويّاه
لا و الله ما ننساه
مع الحسين مع الحسين
######
يبو سكنه ما يغيّرنا الدهر
للأبد ويّاك يا نور البصر
بالله خذ لرواح فدوه و العمر
او ما نخلّي رايتك حتّى الحشر
عهد او يمين
عهد او يمين
إلى الأبد ويّاه
لا و الله ما ننساه
مع الحسين مع الحسين
######
كل سنه ابعاشور نرفع رايتك
او نكتب اعلى الرايه كلنا شيعتك
و الله ما ننساها و الله امصيبتك
او نسجد ابدمعاتنا اعلى تربتك
و انته يقين
و انته يقين
إلى الأبد ويّاه
لا و الله ما ننساه
مع الحسين مع الحسين
######
نجعل الدنيا ابمحرّم معوله
او كل بلاد اعليك تصبح كربله
او يا حسين الكون كلّه انزلزله
او نهتف ابعباس راعي المرجله
و العاشگين
و العاشگين
إلى الأبد ويّاه
لا و الله ما ننساه
مع الحسين مع الحسين
######
او نترس الدنيا عزا يالمنصرع
گطرة وحده من دماك ابهالدمع
او لو بچينا للقيامه بالوجع
ما تساوي منّك الكسرة ضلع
ابدم الوتين
ابدم الوتين
إلى الأبد ويّاه
لا و الله ما ننساه
مع الحسين مع الحسين
@@@@@@
أبو فراس الحمراني
... نسألكم الدعاء ...