عتاب العباس ع على المهدي ع
بين أبو فاضل و بو صالح شجون
عاتبه عمّي عجب عفت الضعون
&&&&&&
لازم ال گبره او گلبه منفطر
عمي يالمحروم من ماي النهر
ما دريت ابحرمله او سهم الغدر
ما سمعت ابسيفه ويش سوّه الشمر
لازم الزّوار زينب يذكرون
او عمّتي ما ظني يا عمّي تهون
&&&&&&
راد إفتّح عينه حمّاي الحرم
ما گدر يفتحها صايبها السهم
راد إيمد چفه او يأشّر بالألم
راد إحّرك راسه لكنّه
انهشم
ناده يا مهدي ابأنينه تعتبون
غصباً اعليّه الحراير ينسبون
&&&&&&
گال إليه عمي ترى جرح الصدور
للذي صار او جرى البنت الخدور
زينب اللي اويا العدا وسط البرور
او بس يصد ليها الشمر عنها تدور
تندب أخوتها يخوها ما تجون
وينه شيّال العلم خويه الحنون
&&&&&&
بالله يا غايب دِ هوّد بالعتاب
واعدت زينب او سكنه و الرباب
لازم اسگي للرضيع أفادي ذاب
چيفه و الجود ابسهم سوّه الجواب
مستحي من بوعلي ابدمع العيون
ابيسگي زينب و اليتاما الينحبون
&&&&&&
عمي لابد من نزورك من عتب
منهو ينسى الحوره بعدك تنسلب
ننظر الگبرك يهزّه من ندب
صعبه نذكر صوبك اختك تنضرب
گال أبو الغيره يمهدي لا يكون
يعني چنهم يطعنوني او يذبحون
@@@@@@
أبو فراس الحمراني
... نسألكم الدعاء ...