منيتي أقرا أنا برض البقيع
على ضلع الزهرا و النحر الگطيع
يوم رحت إلى النبي لزيارته
تالي صلّيت الفرض في حضرته
و ارفعت إيدي ابقنوتي الگبته
الله يا ربي بحق طه الشفيع
على ضلع الزهرا و النحر الگطيع
متى موكب بالحزن يطلع و يصيح
على گلب أم الحسن بالهم جريح
او على گلب احسين الظامي الذبيح
ترى گلب الشيعه بهمومه وجيع
على ضلع الزهرا و النحر الگطيع
ودّي انعى
بين لطمات الصدر
او بالبقيع أندب إمامي المنتظر
إنَّ كسر الضلعِ ليسَ ينجبر
آه يمصاب البتوله اشگد فجيع
على ضلع الزهرا و النحر الگطيع
او بالبقيع ابدمعي أخلط تربته
و بچي اعلى احسين ظلّت جثته
ابكربله او خيل الأعادي داسته
و اعلى صدره رضّضوا صدر الرضيع
على ضلع الزهرا و النحر الگطيع
@@@@@@
أبو فراس الحمراني
... نسألكم الدعاء ...