الهويّه جعفريّه

الهويّه جعفريّه
ونا ما بين البريّه 
أفتخر بيها ،، أفتخر بيها
########
انتمائي و الله محلاه انتمائي
ابحب علي الكرّار تجري كل دمائي
ونا للأطهار أعلنته ولائي
مائي عترة النبي ويّا هوائي

او كل نفس باسم الزچيّه
او نبضاتي حيدريّه
أفتخر بيها ،، أفتخر بيها
########
ديني حيدر الوصي و هواه ديني
او جعفري و بمذهبي و أرفع جبيني
نعم بالاثنعشري خل ينعتوني 
و بحروف القائم امختّم يميني

او هالعشگ نذرن عليّه
او هذا من الله هديّه
أفتخر بيها ،، أفتخر بيها
########
جعفر الصادق إمامي او هو ضماني
او من أحاديثه أنا صغته بياني
أنا شيعي ونا شيعي ابكل كياني
ابعلمه ما بين البشر يلهج لساني

عينه للعالم رويّه
دامت أنواره ضويّه
أفتخر بيها ،، أفتخر بيها
########
 جعفري و الرّافضي او محسوم أمري
و الوصيّه من بعد موتي اعلى گبري
تكتبون إنّي عشگته اليوم حشري
او ما خسرته ابهالدرب يا ناس عمري

او دعوتي يشفع إليّه 
ابن حمّاي الحميّه
أفتخر بيها ،، أفتخر بيها
@@@@@@
أبو فراس الحمراني